Pengin Tuku Wayang Emas? Antri 3-4 Sasi Sik.

Wayang Jawa wis dianggêp sêni kang kêtinggalan jaman. Akèh wong sing padha ninggalaké budaya lêluhur iki. Tukang gawé wayang ya wis tansaya suda. Nanging, ana kabar apik. Salah sijiné pengrajin wayang sing jênêngé Isyanto saka Ponorogo ndadak dadi kondhang amarga karyané. Isyanto nggawé wayang kang dilapisi êmas.
Gambar saka Liputan6.com
Dicuplik saka Liputan6.com, Isyanto nuturaké mênawa dhèwèké nggawé wayang sabên dina, malah wong-wong sing arêp tuku kudu antri 3-4 sasi.

Wayang Isyanto didol kanthi rêga wiwit 5 yuta nganti puluhan yuta rupiyah, manut rumit orané wayang kang digawé.

"Ora bisa sembarangan, contoné bagèyan mripat luwih amba sak milimeter baé wis ora proporsional lan kudu diganti," ujaré Isyanto.

Isyanto wis nggawé wayang wiwit taun 1983. Pêlangané ora munè saka Indonésia, nanging uga saka mancanêgara kaya ta Jerman, Belanda, lan Jepang. Malah, dhèwèké wis naté pamèran lan dadi pêmbicara ing negara manca wiwit saka dari Prancis, Belanda, Amerika Serikat, lan Australia.

"Sadurungé pamèran, biasané aku uga potènsi wong-wong sing arêp tuku. Yèn mallé gêdhé lan ing têngah kutha aku gêlêm mèlu, ujaré Isyanto.

Nanging, ana siji pêrkara kang ngganjêl ing pikirané Isyanto. Jalaran ora ana gênêrasi pênêrus tukang gawé wayang ing Ponorogo. Bab iki ora tanpa alêsan, dadi tukang gawé wayang butuh puluhan taun supaya diakoni wong liya.

Manut Isyanto, wayang bisa dadi invèstasi."Wayang sing dak gawé yèn rêgané luwih saka 30 yuta olèh sèrtifikat lan garansi 50 taun," ujaré.

Komentar

Artikel Lainnya

Contoh Kalimat Aksara Jawa dan Artinya (Bag.1)

Contoh Teks Deskripsi Bahasa Jawa Tentang Candi Borobudur

Sandhangan Panyigeg Wanda dalam Tulisan Aksara Jawa