Manteb! Mbah-Mbah 75 Taun Iki Wis Melu Mlayu Maraton Ping 100 Sanadyan Lara Kanker Getih

Sugêng rawuh para sêdulûr,

Piye kabare?
mbah don wright melu maraton
Gambar iki di-capture saka kaca Facebook E-RACE CANCER
Duwe penyakit kudune ora dadekake semangat dadi loyo. Iki dibuktekake mbah Don Wright sing saiki umure wis 75 taun. Dheweke didiagnosa lan divonis kanker getih langka ing taun 2003 kepungkur. Uripe dikira-kira mung kari 5 taun maneh.

Nanging, nganti saiki wis mlaku 13 taun, tegese wis liwat saka 5 taun. Mbah Don mbuktekake yen dheweke bisa kuat nahan lara, malah lagi wae ngrampungke mlayu maratone sing kaping 100.

Mbah Don entuk diagnosa nalika dheweke ngrampungake maratone sing kapisan ing taun 2003. Nalika iku, dheweke mikir ora bakal melu mlayu maraton maneh.

Pirang-pirang minggu sawise maraton, mbah Don ngrasakake nyeri nang gegere.

Sapa sing bakal nyangka yen kuwi salah sawijining tandha-tandha lara multiple myeloma. Miturut American Cancer Society, multiple myeloma kedadean saka sel plasma ganas. Uripe pasien dikira-kira mung 0,7 persen.

"Iki lelara sing ora bisa dimarekake. Nanging, ana inovasi obat anyar sing tak ombe sedina pisan, lan iku nulung aku bisa urip nganti tekan saiki," omonge mbah Don marang Today.

Miturut Philly, Mbah Don duwe cara kanggo mundhakake rasa preduli marang multiple myeloma yaiku melu mlayu maraton. Malah, dheweke wis nate melu 50 sesi maraton ing 50 nagara. Minggu wingi, mbah Don bisa ngrampungake maraton sing kaping 100 karo bojo dan putrine.

Mbah Don ngaku seneng melu maratone sing kaping 100, apa maneh bojo lan putrine uga melu. Mbah Don ngarep-arep nek apa sing dilakoni dheweke bisa dadi tuladha marang pasien kanker liyane.

"Paling ora, apa sing tak lakoni bisa dadi inspirasi, dadi "suluh" ing tengahing "peteng" sing dirasakake pasien kanker nalika dheweke kabeh entuk diagnosane. Aku wis mbuktekake yen aku bisa mbedhal marang kanker, tetep semangat lan kasil ngrampungake sesi maraton iki," tambahe mbah Don.

Rencanane, mbah Don ora bakal mandheg nerusake maratone. Sebab, dheweke saiki nembe latihan kanggo cepak-cepak melu mlayu maraton 5-10 km.

Komentar

Artikel Lainnya

Contoh Kalimat Aksara Jawa dan Artinya (Bag.1)

Hari Ayah Indonesia

Perbedaan Da dan Dha Pada Tulisan Jawa